Maxfiylik siyosati

Kuchga kirgan sana: 2026-yil 31-oktabr

Ushbu siyosat Yaypan24 mobil ilovasi, yaypan24.uz sayti va Telegram'dagi Yaypan24 Mini App'i (birgalikda — «Xizmat») foydalanuvchilarning shaxsiy ma'lumotlari qanday yig'ilishi, ishlatilishi va himoya qilinishini tushuntiradi. Xizmatdan foydalanib, siz ushbu siyosatga rozilik bildirasiz.

1. Qanday ma'lumotlar yig'iladi

Akkaunt ma'lumotlari: ism, telefon raqam, parol (shifrlangan holda saqlanadi), ixtiyoriy Telegram foydalanuvchi nomi. Telegram orqali kirsangiz — Telegram ID raqamingiz.
E'lonlar: siz joylagan matn, narx, manzil (shahar/mahalla), rasmlar va aloqa telefoni. E'lonlar ommaviy bo'lib, ularni hamma ko'ra oladi.
Xabarlar: foydalanuvchilar o'rtasidagi chat xabarlari.
Joylashuv (geolokatsiya):
- Yo'lovchi: taksi chaqirganingizda — olib ketish va borish nuqtasi.
- Haydovchi: «Ishdaman» rejimi yoqilganda va safar davomida — aniq joylashuv, ilova yopiq yoki fonda bo'lganda ham. Bu yo'lovchiga eng yaqin haydovchini topish, yo'lovchiga mashina qayerdaligini ko'rsatish va taksometr bilan masofa va narxni hisoblash uchun kerak. Haydovchi «Ishdaman» rejimini o'chirganda joylashuv yig'ilmaydi.
Haydovchi ma'lumotlari: mashina modeli, rangi, davlat raqami, safarlar tarixi, daromad va reyting.
Safarlar: buyurtmalar, manzillar, masofa, narx va holati.
Qurilma ma'lumotlari: push-bildirishnoma tokeni (xabar va buyurtmalar haqida bildirishnoma yuborish uchun).
Kamera va galereya: faqat siz e'longa rasm qo'shganingizda; tanlangan rasmlargina yuklanadi.
SMS tasdiqlash: ro'yxatdan o'tish va parolni tiklashda telefon raqamingizga tasdiqlash kodi yuboriladi.

2. Ma'lumotlar nima uchun ishlatiladi

Akkaunt yaratish, kirish va uni himoya qilish;
e'lonlarni ko'rsatish, xaridor va sotuvchini bog'lash;
taksi buyurtmasini eng yaqin haydovchiga yuborish, safarni kuzatish va narxni hisoblash;
shaharlararo qatnov e'lonlarini ko'rsatish;
bildirishnomalar yuborish (yangi xabar, buyurtma holati);
firibgarlik va qoidabuzarliklarga qarshi kurash (shikoyatlar, bloklash).

Biz ma'lumotlaringizni sotmaymiz va reklama maqsadida uchinchi shaxslarga bermaymiz.

3. Kimlar bilan ulashiladi

Boshqa foydalanuvchilar: e'lonlaringiz va aloqa telefoningiz ommaviy. Taksi buyurtmasida yo'lovchi haydovchining ismi, mashinasi, raqami va joylashuvini; haydovchi yo'lovchining ismi, telefoni va manzilini ko'radi.
Xizmat ko'rsatuvchilar (faqat Xizmat ishlashi uchun zarur hajmda): SMS yuborish — Eskiz.uz; push-bildirishnomalar — Google Firebase / Expo; Telegram orqali kirish va bildirishnomalar — Telegram; xarita — OpenStreetMap (xarita plitkalari) va manzil qidiruvi.
Davlat organlari: faqat O'zbekiston Respublikasi qonunchiligida nazarda tutilgan hollarda.

4. Saqlash va himoya

Ma'lumotlar himoyalangan serverda saqlanadi, sayt va ilova bilan aloqa HTTPS orqali shifrlanadi, parollar qaytarib bo'lmaydigan usulda (scrypt) shifrlanadi. Ma'lumotlar akkauntingiz faol bo'lgan muddat davomida saqlanadi. SMS tasdiqlash kodlari 7 kundan keyin o'chiriladi.

5. Akkaunt va ma'lumotlarni o'chirish

Akkauntingizni istalgan vaqtda butunlay o'chirishingiz mumkin:

ilovada: Profil → Akkauntni o'chirish;
saytda: yaypan24.uz/delete-account.

O'chirilganda akkaunt, barcha e'lonlar va rasmlar, xabarlar, sevimlilar, haydovchi profili, safarlar tarixi va joylashuv ma'lumotlari darhol va qaytarib bo'lmaydigan tarzda o'chiriladi. Serverning zaxira nusxalarida ma'lumotlar ko'pi bilan 14 kun saqlanib, so'ng avtomatik o'chadi.

6. Bolalar

Xizmat 16 yoshdan kichik bolalarga mo'ljallanmagan va biz ulardan ongli ravishda ma'lumot yig'maymiz.

7. Sizning huquqlaringiz

Siz o'z ma'lumotlaringizni ko'rish, tuzatish (Profil bo'limida) va o'chirishni talab qilishingiz mumkin. Joylashuv va bildirishnoma ruxsatlarini telefon sozlamalarida istalgan vaqtda o'chirib qo'yishingiz mumkin.

8. O'zgarishlar

Siyosat o'zgarsa, yangi tahrir shu sahifada e'lon qilinadi va yuqoridagi sana yangilanadi.

9. Aloqa

Savollar va murojaatlar uchun: Telegram — @Yaypan24_app_Bot, sayt — yaypan24.uz.